在吧內或其他地方，頗常碰到有非母語人朋友，詢問閩南語歌，或要學唱，我稱之為「點歌」。或者，曾有朋友貼非正字歌詞，又或有貼已經是正字歌詞，但未有注音者。我曾因之將歌詞打成正字，同時用反映閩南語音韻的制式拉丁拼音，「臺羅拼音」，作逐字注音。或者，就為其附帶注音。

這些年來，在我的一個專門Word檔裡邊，到目前為止，已經如此累積超過四百五十首，附帶逐字注音的歌詞，而且數量仍在增加當中。這四百多首，雖然只是數量多如銀河星辰的閩南語歌當中，九牛之一毛，但就一個個人檔案來說，資料量也該可算是相當可觀。

在吧內常見有朋友如此「點歌」，而且往往有跟之前其他朋友所「點」重複歌曲者。我早之前，曾因而動念頭，想要將我那專檔裡面，已經打好並附注音的歌詞，在吧內開個專帖，將那四百多首歌，而且仍不斷在增加數量的附注音歌詞，全部集中在同一帖。用以方便有興趣的朋友，藉以在同一帖找到這些歌曲附有注音的歌詞，不需重複開帖詢問。

問題跟難處在於，百度貼吧的搜尋功能，就我個人使用發現，是頗為原始不便，往往有難以找到吧內已經有資料者。而百度的帖子，每30欄，便會換頁。就我目前檔愛已有、超過四百五十首的歌詞，若全部在同一帖，一個帖子便會被分成十幾頁。為便於吧友搜尋所需歌曲是否已經有作注音，我因而勢必要自行做歌曲的目錄，放在歌詞專帖的開帖樓/1樓，讓有如此需求的吧友，方便在同一頁面當中作搜尋，不須一頁一頁找。

然而，我那檔案的歌曲，是僅以歷年有朋友「點歌」的先後順序，作先後排列。光要以我那現有四百多首歌，整理出一個有系統的目錄(譬如，用歌名筆畫順序，或者以歌手來分類，等等)，放在開帖樓，就已經會是耗時頗多的工程。而且，在百度貼吧，有一個很難克服的技術問題是，百度貼吧的開帖樓的文字，貼上之後就不能作更動。一旦往後有增加歌曲，將歌詞補充在同一帖的後頁時，就無法在開帖樓的曲目目錄，作更動來顯示，無法讓吧友能在同一頁當中作搜尋，來得知是否已經有該首歌的注音歌詞，而不用一直翻頁搜尋。

有這些難處，我想不到解決之方。便擱置了下來。
【但若有較熟悉百度運作機能的朋友，能在這方面作建議，將不勝感激。】
--------------------------------
以上是一些緣起。

而前不久，得知大陸音樂市場在2002年，曾經有匯集發行了一套閩南語歌的專輯CD，名稱為《閩南情緣》。該專輯的歌曲數量，雖然相較不多，三片CD，共46首。其中大部分的歌曲，在之前已有朋友「點歌」包括重複點歌，因而在我那檔案已經有注音歌詞。而且有現成的曲目目錄→https://music.douban.com/subject/3431505。

想想，就以該專輯曲目為目錄，將歌曲歌詞補齊，
作成一帖，貼在這裡。曲目如下，歌名我已改成正字。
我同時也各附上在土豆網找到的那三片CD的音樂音頻/視頻。

在樓下，我依該目錄順序，將該46首歌，
每樓一首，分樓、分時貼上各首歌附帶逐字注音的正字歌詞。
********************************************************************************************

【DISC 1】視頻/音頻→http://www.tudou.com/programs/view/P11NhKiVYjA/
01) 浪子的心情 - 葉啟田
02) 拚出頭 - 陳雷
03) 愛情騙子我問你 - 陳小雲
04) 退色的戀情 - 江蕙
05) 風飛沙 - 孫淑媚
06) 愛情遮爾冷 - 尤雅
07) 酒是舞伴你是性命 - 曾心梅
08) 阿郎 - 龍千玉
09) 車站 - 張秀卿
10) 內山姑娘欲出嫁 - 葉啟田
11) 雨幔 - 阿杜
12) 心情車站 - 任賢齊
13) 等無人 - 陳盈潔/陳百潭
14) 天烏烏 - 尤雅/俞隆華
15) 靠站 - 陳雷

【DISC 2】視頻/音頻→http://www.tudou.com/programs/view/g6oX3nFKoYY/
01) 愛拚才會贏 - 葉啟田
02) 男性的本領 - 尤雅
03) 免失戀 - 陳小雲
04) 難忘的初戀情人 - 小鳳鳳
05) 酒矸通賣無 - 葉啟田
06) 舞女 - 陳小雲
07) 一杯美酒 - 陳盈潔
08) 感情放一邊 - 江蕙
09) 陪你講規暝 - 陳思安
10) 歹竹出好筍 - 阿吉仔
11) 紅線 - 江蕙
12) 醉情歌 - 白冰冰
13) 愛愈深傷愈深 - 袁小迪
14) 一生只有你 - 蔡小虎
15) 燒酒話 - 陳小雲
16) 世間路 - 羅時豐

【DISC 3】視頻/音頻→http://www.tudou.com/programs/view/e0RuovSIRow/
01) 一定欲成功 - 林翠萍
02) 世界第一等 - 劉德華
03) 兄妹 - 袁小迪/鄧玉賢
04) 金包銀 - 蔡秋鳳
05) 愛情赤赤赤 - 陳小雲
06) 等愛的女人 - 江蕙
07) 男子漢的愛 - 葉啟田
08) 男人情女人心 - 龍千玉/袁小迪
09) 夢中的情話 - 江蕙/阿杜
10) 男歡女愛 - 謝金燕
11) 攏是為著你啦 - 李嘉
12) 心情無人知 - 俞隆華
13) 老朋友 - 七郎
14) 命運的吉它 - 阿吉仔
15) 賭情跋愛 - 蔡小虎
----------------------------------------------

CD1/1


《浪子的心情》Lōng-tsú ê Sim-tsîng
葉啟田 Ia̍p Khé-tiân
------------------------------------------------
浪子的心情
lōng-tsú ê sim-tsîng
親像天頂閃爍的流星
tshin-tshiūnn thinn-tíng siám-sih ê liû-tshinn
浪子的運命
lōng-tsú ê ūn-miā
親像鼎底狗蟻的心理
tshin-tshiūnn tiánn-té káu-hiā ê sim-lí

我嘛是了解
guá mā sī liáu-kái
性命的意義
sìnn-miā ê ì-gī
我嘛是了解
guá mā sī liáu-kái

CD1/2


《拚出頭》Piànn Tshut-thâu
陳雷 Tân Luî
------------------------------------------
緣份線
iân-hūn suànn
將咱絚絚絚來縛做伙
tsiong lán a̋n-ân-ân lâi pa̍k tsò-hué
照顧著你
tsiàu-kòo tio̍h lí
我無惜代價
guá bô sioh tāi-kè

人踮在世間
lâng tiàm-tsāi sè-kan
千辛萬苦
tshian-sin-bān-khóo
足袂聳勢
tsiok buē sáng-sè
好佳哉
hó-ka-tsài
你來陪伴
lí lâi puê-phuānn
我安慰在心底
guá an-uì tsāi sim-té

愛你愛你勝過一切
ài lí, ài lí sing kuè it-tshè
疼你疼你當做寶貝
thiànn lí, thiànn lí tòng-tsò pó-puè
聽著你的一句鼓勵
thiann-tio̍h lí ê tsi̍t kù kóo-lē
我精神就增加百倍
guá tsing-sîn tiō tsing-ka pah-puē

予你會幸福
hōo-lí ē hīng-hok
你會快樂
lí ē khuài-lo̍k
一生美麗
it-sing bí-lē
我來拚
guá lâi piànn
欲拚出頭
beh piànn tshut-thâu
我相信無問題
guá siong-sìn bô būn-tê
-----------------------------------

CD1/3
《愛情的騙子！我問你》Ài-tsîng ê Phiàn-tsú! Guá Mn̄g Lí
陳小雲Tân Sió-hûn
----------------------------------------
講啥物我親像
kóng siánn-mih guá tshin-tshiūnn
天頂的仙女
thinn-tíng ê sian-lí
講啥物我親像
kóng siánn-mih guá tshin-tshiūnn
古早的西施
kóo-tsá ê Se-si

講啥物你愛我
kóng siánn-mih lí ài guá
千千萬萬年
tshian-tshian-bān-bān nî
講啥物你永遠
kóng siánn-mih lí íng-uán
袂來變心意
buē lâi piàn sim-ì

原來你是花言巧語
guân-lâi lí sī hua-giân khá-gí
真情予你騙騙去，
tsin-tsîng hōo-lí phiàn-phiàn--khì
原來你是空喙哺舌
guân-lâi lí sī khang-tshuì pōo-tsi̍h
達著目的做你去
ta̍t tio̍h bo̍k-ti̍k tsuè lí khì

啊～我問你
ah~ guá mn̄g lí
啊～我問你
ah~ guá mn̄g lí
你的良心到底在哪裡
lí ê liông-sim tàu-tué tsāi ná-lí
----------------------------------------

CD1/4
《退色的戀情》Thè-sik ê Luân-tsîng
江蕙 Kang Huī
------------------------------------------
為你醉過
uī lí tsuì--kuè
才知影
tsiah tsai-iánn
愛你有外深
ài lí ū guā tshim

為你哭過
uī lí khàu--kuè
才知影
tsiah tsai-iánn
對你付出真實的愛情
tuì lí hù-tshut tsin-si̍t ê ài-tsîng

啊~ 過去的戀情
ah~ kuè-khì ê luân-tsîng
已經變甲冷冰冰
í-king piàn kah líng-ping-ping
命運註定
miā-ūn tsù-tīng
美夢難成
bí-bāng lân sîng
為啥物為啥物為啥物
uī-siánn-mih, uī-siánn-mih, uī-siánn-mih
閣再想起
koh-tsài siūnn-khí
退色的戀情
thè-sik ê luân-tsîng
-----------------------------

CD1/5
《風飛沙》Hong-pue-sua
孫淑媚Sun Siok-bī
------------------------------------------
思念故鄉的情歌
su-liām kòo-hiong ê tsîng-kua
唱出滿腹的心聲
tshiùnn-tshut muá-pak ê sim-siann
目睭像坱著風飛沙
ba̍k-tsiu tshiūnn ing-tio̍h hong-pue-sua
啊~目屎像雨水滴袂煞
ah~ ba̍k-sái tshiūnn hōo-tsuí tih buē suah

啊~啊~
ah~ ah~
這種的艱苦無地看
tsit-tsióng ê kan-khóo bô-tè khuànn
每日若是日頭
muí-ji̍t nā-sī ji̍t-thâu
漸漸欲落山
tsiām-tsiām bueh lo̍h-suann
心內愈孤單
sim-lāi jú koo-tuann
----------------------------

CD1/6
《愛情遮爾冷》Ài-tsîng Tsiah-nī Líng
尤雅Iû Ngá
------------------------------------------
為何為何
uī-hô, uī-hô
顛顛倒倒
tian-tian-tó-tó
敢講我對你
kám-kóng guá tuì lí
對你無夠好
tuì lí bô-kàu hó

為愛情來糊塗
uī ài-tsîng lâi hôo-tôo
甘願閣再受苦
kam-guān koh-tsài siū-khóo
煞顛倒被你
suah tian-tò pī-lí
被你來冷落
pī-lí lâi líng-lo̍h

啊~枉費我
ah~ óng-huì guá
枉費我的痴情
óng-huì guá ê tshi-tsîng
是遮爾遮爾深
sī tsiah-nī, tsiah-nī tshim
啊枉費我
ah~ óng-huì guá
枉費我對你的心
óng-huì guá tuì lí ê sim
是遮爾遮爾真
sī tsiah-nī, tsiah-nī tsin

為何愛情遮爾冷
uī-hô ài-tsîng tsiah-nī líng
為何對我會遮殘忍
uī-hô tuì guá ē tsiah tsân-jím
敢是註定咱無緣來鬥陣
kám-sī tsù-tiānn lán bô-iân lâi tàu-tīn
無緣無緣來鬥陣
bô-iân, bô-iân lâi tàu-tīn
----------------------------------

CD1/7
《酒是舞伴你是性命》Tsiú Sī Bú-phuānn Lí Sī Sínn-miā
曾心梅Tsan Sim-muî
------------------------------------------
上驚輕鬆的音樂聲
siōng kiann khin-sang ê im-ga̍k-siann
啊~乒乒乓乓挵心肝
ah~ phin-phin phong-phong lòng sim-kuann
看人雙雙對對的舞影
khuànn-lâng siang-siang tuì-tuì ê bú-iánn
阮是苦酒來做伴
gún sī khóo-tsiú lâi tsuè-phuānn

無你鬥陣的生活
bô lí tàu-tīn ê sing-ua̍h
放予茫茫渺渺
pàng hōo bông-bông biáu-biáu
較快活
khah khuìnn-ua̍h
顛顛倒倒
tian-tian-tó-tó
綴人的舞步踏
tuè lâng ê bú-pōo ta̍h
杯中揣你的形影
pue-tiòng tshuē lí ê hîng-iánn

有話欲講無人聽
ū uē beh kóng bô-lâng thiann
只有對鏡吐心情
tsí-ū tuì kiànn thóo sim-tsîng
望你回頭將阮疼
bāng lí huê-thâu tsiong gún thiànn
酒是暫時的舞伴
tsiú sī tsiām-sî ê bú-phuānn
你是阮性命
lí sī gún sìnn-miā
我無講你嘛應該攏知影
guá bô kóng lí mā ìng-kai lóng tsai-iánn

酒是暫時的舞伴
tsiú sī tsiām-sî ê bú-phuānn
你是阮性命
lí sī gún sìnn-miā
若是醒來
nā-sī tshínn--lâi
有你做伴
ū lí tsuè-phuānn
甘願予酒精
kam-guān hōo tsiú-tsing
牽阮夢中行
khan gún bāng-tiong kiânn

啊~酒是暫時的舞伴
ah~ tsiú sī tsiām-sî ê bú-phuānn
啊~你是阮性命
ah~ lí sī gún sìnn-miā
殘殘將隨意啉予焦
tshân-tshân tsiong suî-ì lim hōo ta
醉予毋知心痛疼
tsuì hōo m̄-tsai sim thàng-thiànn
-------------------------------------------

CD1/8
《阿郎》A-lông
龍千玉 Liông Tshian-gio̍k
袁小迪Uân Sió-ti̍k
------------------------------------------
男:
風雲一尾龍
hong-hûn tsi̍t bué liông
飛入世上受創傷
pue ji̍p sè-siōng siū tshong-siong

女:
感情一生中
kám-tsîng it-sing tiong
疼入心內等相逢
thiànn ji̍p sim-lāi tán siong-hông

男:
是我的苦衷
sī guá ê khóo-thiong
將你的痴心
tsiong lí ê tshi-sim
披在雪花中
phi tsāi suat-hua tiong

女:
等你回頭的路上
tán lí huê-thâu ê lōo-siōng
伴阮的傷心是堅強
phuānn gún ê siong-sim sī kian-kiông

男:
啊~風若對面沖
ah~ hong nā tuì-bīn tshiong

女:
雨會對你講
hōo ē tuì lí kóng

女)
有人咧等
ū-lâng teh tán

男)
有人咧等
ū-lâng teh tán

男)
用目屎等阿郎
iōng ba̍k-sái tán A-lông

女)
啊~ 心若為你疼
ah~ sim nā uī lí thiànn
人就講阮戇
lâng tiō kóng gún gōng

男:
心愛的請你原諒
sim-ài--ê tshiánn lí guân-liōng
請你著保重
tshiánn lí tio̍h pó-tiōng

合:
毋願再會總是在夢中
m̄-guān tsài-huē tsóng--sī tsāi bāng-tiong
-----------------------------------------------------------

CD1/9
《車站》Tshia-tsām
張秀卿Tiunn Siú-khing
---------------------------
火車已經到車站
hué-tshia í-king kàu tshia-tsām
阮的心頭漸漸重
gún ê sim-thâu tsiām-tsiām tāng
看人歡喜來接親人
khuànn-lâng huann-hí lâi tsiap tshin-lâng
阮是傷心來相送
gún sī siong-sim lâi sio-sàng

無情的喇叭聲音
bô-tsîng ê lá-pah siann-im
聲聲霆
siann-siann tân
月台邊依依難捨
gua̍t-tâi pinn i-i lân-siá
心所愛的人
sim sóo ài ê lâng

火車已經過車站
hué-tshia í-king kuè tshia-tsām
阮的目箍已經紅
gún ê ba̍k-khoo í-king âng
車窗內心愛的人
tshia-thang lāi sim-ài ê lâng
只有期待夜夜夢
tsí-ū kî-thāi iā-iā bāng

(只有傷心來相送)
tsí-ū siong-sim lâi sio-sàng
-------------------------------------

CD1/10
《內山姑娘欲出嫁》Lāi-suann ê Koo-niû Beh Tshut-kè
葉啟田 Ia̍p Khè-tiân
------------------------------------------

Heh Siooh, Heh Siooh
Heh Siooh, HehSiooh

深山內迎花轎
tshim-suann-lāi ngiâ hue-kiō
鼓吹八音玲瑯叫
kóo-tshe pat-im lin-long kiò
內山的姑娘唷
lāi-suann ê koo-niû--iooh
坐轎欲出嫁喔
tsē kiō beh tshut-kè, ooh

(口白)-----↓
喂~扛轎的啊
ueh~ kng-kiō--ê-ah
小等咧喔
sió-tán--leh-ooh
(口白)-----↑

Heh Siooh, Heh Siooh
Lok Kai Siooh, Lok Kai Siooh

彼个內山小姑娘
hit-ê lāi-suann sió-koo-niû
無情做伊上花轎
bô-tsîng tsò i tsiūnn hue-kiō
頭殼犁犁一直去
thâu-khak lê-lê it-ti̍t khì
無聽後面我咧叫
bô thiann āu-bīn guá teh kiò

Heh Siooh, Heh Siooh
Heh Siooh, Heh Siooh

毋知欲嫁去佗位
m̄-tsai beh kè khì tó-uī
並無來對我講出
pīng bô lâi tuì guá kóng tshut
到底啥原因
tàu-té siánn guân-in

Heh Siooh, Heh Siooh
Heh Siooh, Heh Siooh

放捒我
pàng-sak guá
啊! 嫁別人
Ah! kè pa̍t-lâng

Heh Siooh, Heh Siooh
Heh Siooh, Heh Siooh

盤山過嶺無歇睏
puânn-suann-kè-niá bô hioh-khùn
一庄過了又一庄
tsi̍t-tsng kè-liáu iū tsi̍t-tsng

(口白)-----↓
喂~扛轎的啊
ueh~ kng-kiō--ê-ah
小等咧喔
sió-tán--leh-ooh
(口白)-----↑

Heh Siooh, Heh Siooh
Heh Siooh, Heh Siooh
Lok Kai Siooh, Lok Kai Siooh

希望最後見一面
hi-bāng tsuè-āu kìnn tsi̍t-bīn
拚甲大氣喘袂停
piànn kah tuā-khuì tshuán buē thîng
那知精差半分鐘
ná tsai tsing-tsha puànn hun-tsing
新娘已經上轎頂
sin-niû í-king tsiūnn kiō-tíng

Heh Siooh, Heh Siooh
Heh Siooh, Heh Siooh

不知不覺綴你去
put-ti-put-kak tuè lí khì
無疑你並無越頭
bô-gî lí pīng bô ua̍t-thâu
予人想袂到
hōo-lâng siūnn bē kàu

Heh Siooh, Heh Siooh
Heh Siooh, Heh Siooh

出內山
tshut lāi-suann
啊! 嫁別人
Ah! kè pa̍t-lâng

(口白)-----↓
喂~ 扛轎的啊
ueh~kng-kiō--ê-ah
小等咧喔
sió-tán--leh-ooh
(口白)-----↑

Heh Siooh, Heh Siooh
Heh Siooh, Heh Siooh
Lok Kai Siooh, Lok Kai Siooh

愛你熱情像火鼎
ài lí jia̍t-tsîng tshiūnn hué-tiánn
無時無陣咇噗滾
bô-sî bô-tsūn pi̍h-po̍k kún
今日害我來失戀
kim-ji̍t hāi guá lâi sit-luân
可比有身無靈魂
khó-pí ū sin bô lîng-hûn

Heh Siooh, Heh Siooh
Heh Siooh, Heh Siooh

金金來送你離開
kim-kim lâi sàng lí lī-khui
連一句都無安慰
liân tsi̍t-kù to bô an-uì
害我病相思
hāi guá pīnn-siunn-si

Heh Siooh, Heh Siooh
Heh Siooh, Heh Siooh

心愛的
sim-ài--ê
啊! 嫁別人
ah! kè pa̍t-lâng

Heh Siooh, Heh Siooh
Heh Siooh, Heh Siooh

深山內迎花轎
tshim-suann-lāi ngiâ hue-kiō
鼓吹八音玲瑯叫
kóo-tshue pat-im lin-long kiò
內山的兄哥唷
lāi-suann ê hiann-ko--iooh
追甲汗那流
tui kah kuānn ná lâu
---------------------------------

CD1/11
《雨幔》Hōo-mua
杜成義Tōo Sîng-gī (阿杜)A-tōo
-------------------------
思思念念
su-su-liām-liām
你的笑容
lí ê tshiò-iông
予阮一切力量
hōo gún it-tshè li̍k-liōng
牽阮的手
khan gún ê tshiú
用心來晟
iōng-sim lâi tshiânn

看阮哭
khuànn gún khàu
看阮學行
khuànn gún o̍h-kiânn
鳥仔大漢
tsiáu-á tuā-hàn
嘛愛學飛
mā ài o̍h-pue
全世界是伊的
tsuân sè-kài sī i--ê

你的關愛
lí ê kuan-ài
予阮做伴
hōo gún tsuè-phuānn
放心啦
hòng-sim--ah
阮袂孤單
gún buē koo-tuann

你來聽阮唱這條歌
lí lâi thiann gún tshiùnn tsit tiâu kua
阮心內有你的牽掛
gún sim-lāi ū lí ê khian-kuà

無管彼雨偌大
bô kuán he hōo guā tuā
欲佮你鬥陣行
beh kah lí tàu-tīn kiânn
你是阮的雨幔
lí sī gún ê hōo-mua

我來為你唱這條歌
guá-lâi uī lí tshiùnn tsit tiâu kua
唱出你偉大的形影
tshiùnn-tshut lí uí-tāi ê hîng-iánn
抱著你的期待
phō-tio̍h lí ê kî-thāi
行出我的未來
kiânn tshut guá ê bī-lâi
用阮美麗歌聲
iōng gún bí-lē kua-siann
來祝福你啊
lâi tsiok-hok lí--ah
--------------------------

CD1/12
《心情車站》 Sim-tsîng Tshia-tsām
任賢齊Jīm Hiân-tsê
--------------------------------
你欲離開的彼一工
lí beh lī-khui ê hit-tsi̍t-kang
心內有話
sim-lāi ū uē
想欲對你講
siūnn-beh tuì lí káng
但是毋知按怎
tān-sī m̄-tsai án-tsuánn
哪會舌拍結面紅紅
ná ē tsi̍h phah-kat, bīn âng-âng
敢是看破一場空
kám-sī khuànn-phuà tsi̍t-tiûnn khang
抑是天公伯仔
ia̍h-sī thinn-kong-peh--á
註定我無半項
tsù-tiānn guá bô-puànn-hāng

(refrain)
火車慢慢咧駛入車站
hué-tshia bān-bān leh sái ji̍p tshia-tsām
阮的心情
gún ê sim-tsîng
愈來愈沉重
jú-lâi-jú tîm-tāng
月台頂面
gue̍h-tâi tíng-bīn
來來往往的人
lâi-lâi-óng-óng ê lâng
只賰我佮你
tsí tshun guá kah lí
攏無振動
lóng bô tín-tāng
阮只是想欲訴出
gún tsí-sī siūnn-beh sòo tshut
阮只愛你一人
gún tsí ài lí tsi̍t-lâng

火車慢慢咧駛出車站
hué-tshia bān-bān leh sái tshut tshia-tsām
阮的心情
gún ê sim-tsîng
顛倒變輕鬆
tian-tò piàn khin-sang
因為你的眼神
in-uī lí ê gán-sîn
予我感覺
hōo guá kám-kak
猶有希望
iáu-ū hi-bāng
(refrain)

一个人徛踮月台邊
tsi̍t-ê lâng khiā tiàm gue̍h-tâi pinn
看著火車
khuànn-tio̍h hué-tshia
遠遠駛向前去
hn̄g-hn̄g sái hiòng-tsiân khì
想起咱的愛情
siūnn-khí lán ê ài-tsîng
是遐爾酸甘蜜甜
sī hiah-nī sng-kam bi̍t-tinn
我會每工思念你
guá ē muí-kang su-liām lí
你是千萬毋通
lí sī tshian-bān m̄-thang
共我放袂記
kā guá pang-buē-kì
千萬毋通放袂記
tshian-bān m̄-thang pang-buē-kì
我會每工思念你
guá ē muí-kang su-liām lí
------------------------------------

CD1/13
《等無人》Tán Bô Lâng
尤雅Iû Ngá
-------------------------
為著心愛伊一人
uī-tio̍h sim-ài i tsi̍t-lâng
喙脣喙䫌抹紅紅
tshuì-tûn tshuì-phué buah âng-âng
來到昔日惜別的漁港
lâi-kàu sik-ji̍t sioh-pia̍t ê hî-káng
等君伊回航
tán kun i huê-hâng

望啊望啊等啊等
bāng--ah bāng--ah tán--ah tán
等無心愛船入港
tán bô sim-ài tsûn ji̍p-káng
無彩我無彩我
bô-tshái guá bô-tshái guá
妝甲媠噹噹
tsng-kah suí-tang-tang
海風笑我是戇人
hái-hong tshiò guá sī gōng-lâng
海鳥笑我空等
hái-tsiáu tshiò guá khang-tán
-----------------------------------------

CD1/14
《天烏烏》Thinn Oo-oo
---------------------------------
天烏烏欲落雨
thinn oo-oo beh lo̍h-hōo
阿公仔攑鋤頭欲掘芋
a-kong-á gia̍h tî-thâu beh ku̍t ōo
掘啊掘
ku̍t--ah ku̍t
掘啊掘
ku̍t--ah ku̍t
掘著一尾旋溜蛄
ku̍t-tio̍h tsi̍t-bué suan-liu-kóo
咿啊彼都真正趣味
i-ia he-to tsin-tsiànn tshù-bī

阿公仔欲煮鹹
a-kong-á beh tsú kiâm
阿媽欲煮汫
a-má beh tsú tsiánn
兩个相拍挵破鼎
nn̄g-ê sio-phah lòng-phuà tiánn
咿啊彼都鋃鐺拭鐺嗆
i-ia he-to long-tong-tshit-tong-tshiang
哇哈哈哇哈哈
uah-hah-hah, uah-hah-hah
--------------------------------------

CD1/15
《靠站》Khò-tsām
陳雷 Tân Luî
------------------------------------------
坐著最後這幫夜快車
tsē tio̍h tsuè-āu tsit pang iā-khuài-tshia
無奈心情綴車行
bô-nāi sim-tsîng tuè tshia kiânn
車站一站叫一聲
tshia-tsām tsi̍t tsām kiò tsi̍t siann
毋敢越頭叫你的名
m̄-kánn ua̍t-thâu kiò lí ê miâ

希望會當
hi-bāng ē-tàng
揣著理想的車站
tshuē-tio̍h lí-sióng ê tshia-tsām
好好靠站過一暗
hó-hó khò-tsām kuè tsi̍t àm
明日若醒來
bin-ji̍t nā tshínn--lâi
飄撇笑容隨風送
phiau-phiat tshiò-iông suî hong sàng

一聲再會
tsi̍t siann tsài-huē
無緣的人
bô-iân ê lâng
粧甲媠媠
tsng kah suí-suí
欲嫁別人
beh kè pa̍t-lâng
啊~粧甲媠媠啊嫁別人
ah~ tsng kah suí-suí--ah, kè pa̍t-lâng
(心愛的欲嫁別人)
(sim-ài--ê beh kè pa̍t-lâng)
---------------------------------------

CD2/1
《愛拚才會贏》Ài Piànn Tsiah-ē Iânn
葉啟田 Ia̍p Khé-tiân
--------------------------------------
一時失志毋免怨嘆
tsi̍t-sî sit-tsì m̄-bián uàn-thàn
一時落魄毋免膽寒
tsi̍t-sî lo̍k-phik m̄-bián tám-hân
哪通失去希望
ná thang sit-khì hi-bāng
每日醉茫茫
muí-ji̍t tsuì-bâng-bâng
無魂有體親像稻草人
bô hûn ū thé tshin-tshiūnn tiū-tsháu-lâng

人生可比是海上的波浪
jîn-sing khó-pí sī hái-siōng ê pho-lōng
有時起有時落
ū sî khí, ū sî lo̍h

好運歹運
hó-ūn, pháinn-ūn
總嘛是愛照起工來行
tsóng mā sī ài tsiàu-khí-kang lâi kiânn

三分天註定
sann-hun thinn tsù-tiānn
七分靠拍拚
tshit-hun khò phah-piànn
愛拚才會贏
ài piànn tsiah-ē iânn
-------------------------------

CD2/2
《男性的本領》Lâm-sìng ê Pún-líng
葉啟田 Ia̍p Khé-Tiân
------------------------------------------
為你提出
uī lí the̍h tshut
男兒的本性
lâm-jî ê pún-sìng
一心一意
it-sim-it-ì
拍拚為前程
phah-piànn uī tsiân-tîng

為你獻出
uī lí hiàn tshut
男兒的真情
lâm-jî ê tsin-tsîng
一心一意
it-sim-it-ì
伴你過一生
phuānn lí kuè it-sing

靠我的雙手
khò guá ê siang-tshiú
靠我的本領
khò guá ê pún-líng
創造美滿的家庭
tshòng-tsō bí-buán ê ka-tîng

用我的人格
iōng guá ê jîn-keh
用我的性命
iōng guá ê sìng-bīng
向你保證
hiòng lí pó-tsìng
我對你的愛情
guá tuì lí ê ài-tsîng

心愛的
sim-ài--ê
你是世間
lí sī sè-kan
最純情的女性
tsuè sûn-tsîng ê lú-sìng

心愛的
sim-ài--ê
為著你
uī-tio̍h lí
為著你
uī-tio̍h lí
阮會勇敢向進前
gún ē ióng-kám hiòng tsìn-tsîng
---------------------------------------------

CD2/3
《免失志》Bián Sit-tsì
陈小云Tân Sió-hûn
--------------------------------------
啉一杯啉一杯我无醉
lim tsi̍t pue lim tsi̍t pue guá bô tsuì
啉一杯啉一杯我无醉
lim tsi̍t pue lim tsi̍t pue guá bô tsuì
烧酒尽量捾来开
sio-tsiú tsīn-liōng kuānn lâi khui
啊彼敢通
ah! he kám thang
烧酒烧酒尽量捾来开
sio-tsiú sio-tsiú tsīn-liōng kuānn lâi khui
-----

看著你啊像酒醉
khuànn-tio̍h lí--ah, tshiūnn tsiú-tsuì
茫茫目睭激微微
bâng-bâng ba̍k-tsiu kik bui-bui
我佮你佮你是知己
guá kah lí, kah lí sī ti-kí
烧酒尽量捾来开
sio-tsiú tsīn-liōng kuānn lâi khui

啉落去啉落去
lim--lo̍h-khì, lim--lo̍h-khì
无醉啊我无醉
bô tsuì--ah, guá bô tsuì
啉落去啉落去
lim--lo̍h-khì, lim--lo̍h-khì
无醉啊我无醉
bô tsuì--ah, guá bô tsuì

杯中沉浮无了时
pue tiong tîm-phû bô-liáu-sî
小小失败算啥物
sió-sió sit-pāi sg siánn-mih
啊～免失志免失志
ah~ bián sit-tsì, bián sit-tsì
机会若到满满是
ki-huē nā kàu muá-muá-sī


看著你啊像酒醉
khuànn-tio̍h lí--ah, tshiūnn tsiú-tsuì
茫茫目睭激微微
bâng-bâng ba̍k-tsiu kik bui-bui
我佮你佮你是知己
guá kah lí, kah lí sī ti-kí
烧酒尽量捾来开
sio-tsiú tsīn-liōng kuānn lâi khui

啉落去啉落去
lim--lo̍h-khì, lim--lo̍h-khì
无醉啊我无醉
bô tsuì--ah, guá bô tsuì
啉落去啉落去
lim--lo̍h-khì, lim--lo̍h-khì
无醉啊我无醉
bô tsuì--ah, guá bô tsuì

杯中沉浮无了时
pue tiong tîm-phû bô-liáu-sî
小小失败算啥物
sió-sió sit-pāi sg siánn-mih
啊～免失志免失志
ah~ bián sit-tsì, bián sit-tsì
机会若到满满是
ki-huē nā kàu muá-muá-sī
----------------------------------------

CD2/4
《難忘的初戀情人》(台語版) Lân-bōng ê Tshoo-luânTsîng-jîn
小鳳鳳 Sió-hōng-hōng
---------------------------------------
難忘的初戀的人
lân-bōng ê tshoo-luân ê lâng
為你心茫茫
uī lí sim bâng-bâng
明知無緣結成雙
bîng-tsai bô-iân kiat sîng-siang
較想也你一人
khah siūnn iā lí tsi̍t-lâng
雖然是難成雙
sui-jiân sī lân sîng-siang
猶原愛你一人
iu-guân ài lí tsi̍t-lâng
陣陣冷風
tsūn-tsūn líng-hong
無吹別項
bô tshue pa̍t-hāng
較吹也彼个人
khah tshue iā hit-ê-lâng
難忘初戀的人
lân-bōng tshoo-luân ê lâng

難忘的初戀的人
lân-bōng ê tshoo-luân ê lâng
月娘照入窗
gue̍h-niû tsiò ji̍p thang
照著阮的心房
tsiò-tio̍h gún ê sim-pâng
照著相思欉
tsiò-tio̍h siunn-si-tsâng
阮的初戀夢
gún ê tshoo-luân-bāng
無頭無尾變成空
bô-thâu-bô-bué piàn-sîng khang
多情月娘
to-tsîng gue̍h-niû
無照別項
bô tsiò pa̍t-hāng
較照也彼个人
khah tsiò iā hit-ê-lâng
難忘初戀的人
lân-bōng tshoo-luân ê lâng

難忘的初戀的人
lân-bōng ê tshoo-luân ê lâng
遙遠的美夢
iâu-uán ê bí-bāng
孤單影孤單人
koo-tuann iánn koo-tuann lâng
痴迷心茫茫
tshi-bê sim bâng-bâng
為著初戀夢
uī-tio̍h tshoo-luân-bāng
規日心內亂氅氅
kui-ji̍t sim-lāi luān-tsháng-tsháng
毋知精神
m̄-tsai tsing-sîn
抑是眠夢
ia̍h-sī bîn-bāng
雖然笑目箍紅
sui-jiân tshiò, sī ba̍k-khoo âng
難忘初戀的人
lân-bōng tshoo-luân ê lâng
---------------------------------------