CD3/9
《夢中的情話》Bāng-tiong ê Tsîng-uē
江蕙Kang Huī
阿杜A-tōo
-----------------------------
夢中的情話
bāng-tiong ê tsîng-uē
啊~是真抑是假
ah~ sī tsin ia̍h-sī ké
毋管風雨怎樣咧吹
m̄-kuán hong-hōo tsuánn-iūnn teh tshue
阮猶原毋甘清醒
guán iu-guân m̄-kam tshing-tshénn

夢中叮嚀的話
bāng-tiong ting-lîng ê uē
雖然只有幾句話
sui-jiân tsí-ū kuí kù uē
予我溫暖在心底
hōo guá un-luán tsāi sim-té
真想欲來用心交陪
tsin siūnn-beh lâi iōng-sim kau-puê

夢中的情話
bāng-tiong ê tsîng-uē
啊~是真毋是假
ah~ sī tsin m̄-sī ké
雖然夢境遐爾短
sui-jiân bāng-kíng hiah-nī té
愛你永遠袂反悔
ài lí íng-uán bē huán-hué

夢中叮嚀的話
bāng-tiong ting-lîng ê uē
山盟海誓一句話
san-bîng-hái-sè tsi̍t-kù uē
望你謹記在心底
bāng lí kín-kì tsāi sim-té
我會用真心來交陪
guá ē iōng tsin-sim lâi kau-puê

感謝你對我遮坦白
kám-siā lí tuì guá tsiah thán-pe̍h
予我有重新出發的機會
hōo guá ū tiông-sin tshut-huat ê ki-huē

初戀的滋味也試過
tshoo-luân ê tsu-bī iā tshì kuè
著予感情來冷靜徹底
tio̍h hōo kám-tsîng lâi líng-tsīng thiat-té

只要咱相愛過程美麗
tsí-iàu lán siong-ài kuè-tîng bí-lē
著隨緣份安排一切
tio̍h suî iân-hūn an-pâi it-tshè
感謝天的成全體會
kám-siā thinn ê sing-tsuân thé-huē
予咱有一擺
hōo lán ū tsi̍t-pái
相愛的機會
siong-ài ê ki-huē
-----------------------------

CD3/10
《男歡女愛》Lâm-huan Lú-ài
謝金燕 Siā Kim-iàn
------------------------------------------
心愛的
sim-ài--ê
阮來聽你解說
gún lâi thiann lí kái-sueh
阮戇戇原諒
gún gōng-gōng guân-liōng
你的一切
lí ê it-tshè
莫騙阮
mài phiàn gún
你袂一錯再錯
lí buē it-tshò tsài-tshò
阮已經袂閣
gún í-king buē koh
予你機會
hōo-lí ki-huē

Oh come on
看你
kuànn lí
慢慢靠過來mànmàn kào guò lái
阮只是袂當
guán tsí-sī bē-tàng
接受虛偽的愛
tsiap-siū hi-guī ê ài
講啥物
kóng siánn-mih
男歡女愛有點壞nánhuānnǚài yǒu diǎn huài
Oh Honey
阮會計較
guán ē kè-kàu
敢有未來
kám ū bī-lâi

有點壞也不壞yǒu diǎn huài, yě bùhuài
現代女性
hiān-tāi lú-sìng
無愛虛情假愛
bô-ài hi-tsîng ké-ài
耍無賴也不賴shuǎ wúlài, yě bùlài
現代男性
hiān-tāi lâm-sìng
揣無真情真愛
tshē-bô tsin-tsîng tsin-ài
------------------------------------

CD3/11
《拢是为著你啦》Lóng-sī Uī-tio̍h Lí--lah
李爱绮(李嘉) Lí Ài-khí (Lí Ka)
------------------------------------------
无人亲像我
bô-lâng tshin-tshiūnn guá
遮尔软心肝
tsiah-nī nńg sim-kuann
你欲离开我
lí beh lī-khui guá
目屎流袂煞
ba̍k-sái lâu buē suah

毋是我一时
m̄-sī guá tsi̍t-sî
想袂开
siūnn buē khui
毋是你对我
m̄-sī lí tuì guá
无情意
bô tsîng-ì
只是
tsí-sī
心伤悲
sim siong-pi

对你的心
tuì lí ê sim
总嘛是永远无变卦
tsóng mā sī íng-uán bô piàn-kuà
对你的情
tuì lí ê tsîng
永远是囥咧心肝
íng-uán sī khg-teh sim-kuann

虽然孤单
sui-jiân koo-tuann
我嘛是甘愿受拖磨
guá mā sī kam-guān siū thua-buâ
无依无倚
bô-i-bô-uá
拢是为著你啦
lóng-sī uī-tio̍h lí--lah
--------------------------------

CD3/12
《心情無人知》Sim-tsîng Bô-lâng Tsai
俞隆華Jû Liông-hua
------------------------------------------
我的心情
guá ê sim-tsîng
無人會瞭解
bô-lâng ē lió kái
我的心事
guá ê sim-sū
無人知
bô-lâng tsai

當初伊是
tong-tshoo i sī
我的心愛
guá ê sim-ài
現在已經
hiān tsāi í-king
別人的太太
pa̍t-lâng ê thài-thài

無想
bô siūnn
毋知通悲哀
m̄-tsai thang pi-ai
愈想
jú siūnn
心內愈憤慨
sim-lāi jú hùn-khài

心肝親像
sim-kuann tshin-tshiūnn
做風颱
tsuè-hong-thai
怪我愛伊
kuài guá ài i
傷厲害
siunn lī-hāi
如今欲哭
jû-kim beh khàu
才知也無目屎
tsiah tsai iā bô ba̍k-sái
----------------------------------

CD3/13
《老朋友》Lāu-pîng-iú
七郎 Tshit-lông
------------------------------------------
想遮久
siūnn tsiah kú
才想起著古早事
tsiah siūnn-khí tio̍h kóo-tsá sū
想往事
siūnn óng-sū
才想起著老朋友
tsiah siūnn-khí tio̍h lāu-pîng-iú

兩罐酒
nn̄g kuàn tsiú
透露鄉愁
thò-lōo hiong-tshiû
講袂完
kóng buē uân
三暝三日的故事
sann-mî sann-ji̍t ê kòo-sū

一世人
tsi̍t-sì-lâng
衫較穿嘛彼幾軀
sann khah tshīng mā hit kuí su
一世人
tsi̍t-sì-lâng
定咧揣嘛彼幾的老朋友
tiānn leh tshuē mā hit kuí ê lāu-pîng-iú

將感情
tsiong kám-tsîng
保存遮爾久
pó-tsûn tsiah-nī kú
可比是
khó-pí sī
陳年醇芳的燒酒
tîn-nî sûn-phang ê sio-tsiú

破瓦厝
phuà hiā-tshù
罔借跔
bóng tsioh ku
椅條是舊舊舊
í-liâu sī kű-kū-kū
粗菜便飯鬥陣煮
tshoo-tshài piān-pn̄g tàu-tīn tsú

葵扇來擛心事
khuê-sìnn lâi ia̍t sim-sū
泡茶啉往事
phàu tê lim óng-sū
行棋來恬泏泏
kiânn-kî lâi tiām-tsuh-tsuh
君啦~哈哈
kun--lah~ ha-ha
酒斟落啦~
tsiú thîn lueh--lah~
話山話水
uē-san uē-suí
人生世間事
jîn-sing sè-kan sū
----------------------------

CD3/14
《命運的吉他》Miā-ūn ê Gih-tah
阿吉仔 A-kiat-á
------------------------------------
淒涼的吉他聲
tshe-liâng ê gih-tah-siann
伴奏著哀愁的歌聲
phuānn-tsàu-tio̍h ai-tshiû ê kua-siann
孤單的人影
koo-tuann ê lâng-iánn
唱出著無奈的心聲
tshiùnn-tshut-tio̍h bô-nāi ê sim-siann

我比別人較認真
guá pí pa̍t-lâng khah jīn-tsin
我比別人較拍拚
guá pí pa̍t-lâng khah phah-piànn
為啥物為啥物
uī-siánn-mih, uī-siánn-mih
比別人較歹命
pí pa̍t-lâng khah pháinn-miā

淒涼的吉他聲
tshe-liâng ê gih-tah-siann
愈彈是心愈疼
jú tuânn sī sim jú thiànn
啊~啊~ 命運命運的吉他聲
ah~ ah~ miā-ūn, miā-ūn ê gih-tah-siann
----------------------------------------------------------

CD3/15
《賭情跋愛》Tóo-tsîng Pua̍h-ài
蔡小虎Tshuà Sió-hóo
------------------------------------------
我絕對
guá tsua̍t-tuì
我絕對
guá tsua̍t-tuì
為你犧牲
uī lí hi-sing
賭著你陪我一世情
tóo tio̍h lí puê guá tsi̍t-sè-tsîng

我決定
guá kuat-tīng
用心證明
iōng-sim tsìng-bîng
跋著你幸福的人生
pua̍h tio̍h lí hīng-hok ê jîn-sing

天頂粒粒爍的天星
thinn-tíng lia̍p-lia̍p sih ê thinn-tshinn
親像我的情
tshin-tshiūnn guá ê tsîng
情路茫茫真心真愛
tsîng lōo bâng-bâng tsin-sim tsin-ài
勝過海誓山盟
sing kuè hái-sè san-bîng

啊~對你的心
ah~ tuì lí ê sim
永遠袂冷
íng-uán bue líng
叫我放棄
kiò guá hòng-khì
是無可能
sī bô khó-lîng

是輸是贏
sī su sī iânn
愛你一生
ài lí it-sing
-------------------

回复 立铮鞋业8兄，51樓樓中樓 :　以下是黃乙玲那首歌的正字歌詞佮注音 ---


《心肝挐氅氅》Sim-kuann Jû-tsháng-tsháng
黃乙玲 N̂g It-lîn
------------------------------------------
看著船欲出港
khuànn-tio̍h tsûn beh tshut-káng
害我的心肝挐氅氅
hāi guá ê sim-kuann jû-tsháng-tsháng
忍著心酸來相送
jím tio̍h sim-sng lâi sio-sàng
期待你早日來回航
kî-thāi lí tsá-ji̍t lâi huê-hâng

船船船
tsûn, tsûn, tsûn
船煙白茫茫
tsûn-ian pe̍h-bâng-bâng
我我我
guá, guá, guá
目箍漸漸紅
ba̍k-khoo tsiām-tsiām âng
無情的命運來戲弄
bô-tsîng ê miā-ūn lâi hì-lāng
推著咱暫時分西東
tshui tio̍h lán tsiām-sî hun se-tang
袂當照著咱的希望
buē-tàng tsiàu tio̍h lán ê hi-bāng

茫茫的大海像情網
bông-bông ê tuā-hái tshiūnn tsîng-bāng
纏我的心肝毋願放
tînn guá ê sim-kuann m̄-guān pàng
春夢啊春夢
tshun-bāng--ah tshun-bāng
誰知影醒來一場空
sia̋ng tsai-iánn tshínn--lâi tsi̍t tiûnn khang
-----------------------------------------------------------

嗯，樓上黃乙玲那首歌的歌名*(心肝乱糟糟)，其實是「心肝挐氅氅」Sim-kuann Jû-tsháng-tsháng。這個閩南語表達語詞，可說是頗固定的搭配短語，至少在黃妃的《追追追》那首歌，也有用到。我就順便將《追追追》的歌詞，也放在這裡。


《追追追》Tui,Tui,Tui
黃妃 N̂g Hui
-----------------------
千江水
tshian kang suí
千江月
tshian kang gue̍h
千里帆
tshian lí phâng
千重山
tshian tiông san
千里江山
tshian lí kang-san
我上媠
guá siōng suí

萬里月
bān lí gue̍h
萬里城
bān lí siânn
萬里愁
bān lí tshiû
萬里煙
bān lí ian
萬里風霜
bān-lí hong-song
我上妖嬌
guá siōng iau-kiau

啥物款的殺氣
siánn-mih-khuán ê sat-khì
啥物款的角色
siánn-mih-khuán ê kak-sik
啥物款的梟雄
siánn-mih-khuán ê hiau-hiông
逼阮策馬墜風塵
pik gún tshik-má tuī hong-tîn

啥物款的愛情
siánn-mih-khuán ê ài-tsîng
啥物款的墜落
siánn-mih-khuán ê tuī-lo̍h
啥物款的溫柔
siánn-mih-khuán ê un-jiû
予阮日夜攏想你
hōo gún ji̍t-iā lóng siūnn lí

真久以前
tsin kú í-tsîng
狼主的傳說
lông-tsú ê thuân-suat
如今狼煙再起
jû-kim lông-ian tsài-khí

真久以前
tsin kú í-tsîng
狼主的傳說
lông-tsú ê thuân-suat
如今狼煙再起
jû-kim lông-ian tsài-khí

啊~ 追追追
ah~ tui, tui, tui
追著你的心
tui-tio̍h lí ê sim
追著你的人
tui-tio̍h lí ê lâng
追著你的情
tui-tio̍h li ê tsîng
追著你的無講理
tui-tio̍h lí ê bô-kóng-lí

啊~煩煩煩
ah~ huân, huân, huân
煩過這世人
huân kuè tsit-sì-lâng
心肝挐氅氅
sim-kuann jû-tsháng-tsháng
揣無酒來沃
tshuē bô tsiú lâi ak

厭氣啦
iàn-khì--lah
莫閣遐爾大聲對我講話
mài koh hiah-nī tuā-siang tuì guá kóng-uē

啊~亂亂亂
ah~ luān, luān, luān
女人的心
lú-jîn ê sim
豆腐做的
tāu-hū tsuè--ê
為你破碎
uī lí phò-tshuì
任由針咧揻
jīm-iû tsiam teh ui
-----------------------------

回复 立铮鞋业8兄，54樓樓中樓 :　以下是《暫時的愛》《小姐請你予我愛》的正字歌詞和注音，分兩樓放置 ---


《小姐請你予我愛》Sió-tsiá Tshiánn Lí Hōo Guá Ài
羅時豐 Lô Sî-hong
王瑞霞 Ông Suī-hâ
------------------------------------------
男：
見面幾若擺
kìnn-bīn kuí-lō pái
當做無熟似
tòng-tsò bô si̍k-sāi
實在不應該
si̍t-tsāi put ìng-kai
女：
我愛你在心內
guá ài lí tsāi sim-lāi
毋敢講出來
m̄-kánn kóng tshut-lâi
毋敢予人知
m̄-kánn hōo-lâng tsai
男：
想看覓
siūnn khuànn-māi
你想看覓
lí siūnn khuànn-māi
我對你怎樣關懷
guá tuì lí tsuánn-iūnn kuan-huâi
女：
你的心意
lí ê sim-ì
我也毋是完全無了解
guá iā m̄-sī uân-tsuân bô liáu-kái

男：
小姐
sió-tsiá
你請你予我愛
lí tshiánn lí hōo guá ài
女：
先生
se̋n-sénn
人歹勢在心內
lâng pháinn-sè tsāi sim-lāi
男：
有你在身邊
ū lí tsāi sin-pinn
我的心
guá ê sim
就充滿了愛的光彩
tiō tshiong-buán liáu ài ê kong-tshái
女：
有了你的愛
ū liáu lí ê ài
我一生
guá it-sing
就沉醉在愛的世界
tiō tîm-tsuì tsāi ài ê sè-kài
-----------------------------------------

《暫時的愛》Tsiām-sî ê Ài
陳隨意 Tân Suî-ì
陳淑萍 Tân Siok-phîng
------------------------------------------
女)
你講阮的愛
lí kóng gún ê ài
蹛佇花花世界
tuà tī hua-hua sè-kài
有錢有司奶
ū-tsînn ū sai-nai
夢醒無未來
bāng síng bô bī-lâi
男)
我用這杯酒
guá iōng tsit pue tsiú
啉落滿腹的無奈
lim lueh muá-pak ê bô-nāi
明知你的心
bîng-tsai lí ê sim
無我的存在
bô guá ê tsûn-tsāi
女)
你會對遮來
lí ē tuì tsia lâi
敢是揣真愛
kám-sī tshuē tsin-ài
男)
今夜的飄撇
kim-iā ê phiau-phiat
明日啥人會了解
bing-ji̍t siánn-lâng ē liáu-kái
合)
你我攏是用酒騙目屎
lí guá lóng sī iōng tsiú phiàn ba̍k-sái

男)
鬧熱的酒店內
lāu-jia̍t ê tsiú-tiàm lāi
敢是我療傷的所在
kám-sī guá liâu-siong ê sóo-tsāi
女)
迷人的夜世界
bê-lâng ê iā-sè-kài
敢是阮永遠的舞台
kám-sī gún íng-uán ê bú-tâi
男)
茫茫的你佮我
bâng-bâng ê lí kah guá
只有是暫時的心愛
tsí-ū sī tsiām-sî ê sim-ài
女)
感情這兩字
kám-tsîng tsit nn̄g-jī
只有等醉後才安排
tsí-ū tán tsuì āu tsiah an-pâi
男)
希望天光嘛毋免問
hi-bāng thinn-kng mā m̄-bián mn̄g
你我的未來
lí guá ê bī-lâi

合)
因為咱
in-uī lán
毋免約束明仔載
m̄-bián iok-sok bîn-á-tsài
------------------------------------------