感恩之心……一场祭祀所想——逐家来写正字文章
今仔日,佮阮阿嬷去敬公,阿嬷毋捌字,叫我著伫金面咧写字,厅顶焕济公嬷才知影是欲呼请底一位,才毋会为著抢金咧冤家,阿嬷太古锥咯,对我讲兹款“囝仔话”。
字雅简单:“敬妙叔妙婶食得”,其实就是古早文人写亓祭文亓超级简写版,但是恁有注意著有啥乜较奇怪亓所在无?
一般咱敬公拢是叫“×公×嬷”,就算是兄弟中头有侬无香火,都会写一个侄仔去传承伊亓香火,做名义子孙,所以就算是欲敬亓真正是“叔婶”但拢会写作“公嬷”,若安尔,为啥乜著写作“妙叔、妙婶”?
阿嬷安尔解释,成早以前,毋知几落代咯,阮亓祖公成穷赤落魄,无通食也无通住,活活欲饿死,堵堵好,有一户侬家,厝主叫妙,毋知是瘟疫抑是出海,反正就是倒柱去咯(灭门)。
阮祖公就迁到怹厝内住,虽然佮妙怹无来往,嘛无一定相捌,但为著感谢妙留落来亓厝,祖公就替怹承香火,敬怹作“妙叔、妙婶”,世世代代替怹做忌。
彼当时,祖公去妙怹厝内看著有一瓮仔番薯,堵好填腹肚救命,所以阮家族有风俗新年初一固定著食番薯。
到兹阵,彼间避风亓破厝仔早就揣勿会著咯,彼瓮番薯嘛毋知投胎几落十摆咯,但是感恩亓心声已经化作一阵搁一阵亓香火薰香一年搁一年。
阿嬷讲,有拜有保庇,兹阵家族嘛算是够兴旺,拢有勿会歹亓头路佮地位……哈哈
够有意思亓厝,永怀姑恩,毋知影怹阿姑对怹有障样亓恩情,但相信感恩刻伫怹心内比刻伫石头顶搁较永久
字雅简单:“敬妙叔妙婶食得”,其实就是古早文人写亓祭文亓超级简写版,但是恁有注意著有啥乜较奇怪亓所在无?
一般咱敬公拢是叫“×公×嬷”,就算是兄弟中头有侬无香火,都会写一个侄仔去传承伊亓香火,做名义子孙,所以就算是欲敬亓真正是“叔婶”但拢会写作“公嬷”,若安尔,为啥乜著写作“妙叔、妙婶”?
阿嬷安尔解释,成早以前,毋知几落代咯,阮亓祖公成穷赤落魄,无通食也无通住,活活欲饿死,堵堵好,有一户侬家,厝主叫妙,毋知是瘟疫抑是出海,反正就是倒柱去咯(灭门)。
阮祖公就迁到怹厝内住,虽然佮妙怹无来往,嘛无一定相捌,但为著感谢妙留落来亓厝,祖公就替怹承香火,敬怹作“妙叔、妙婶”,世世代代替怹做忌。
彼当时,祖公去妙怹厝内看著有一瓮仔番薯,堵好填腹肚救命,所以阮家族有风俗新年初一固定著食番薯。
到兹阵,彼间避风亓破厝仔早就揣勿会著咯,彼瓮番薯嘛毋知投胎几落十摆咯,但是感恩亓心声已经化作一阵搁一阵亓香火薰香一年搁一年。
阿嬷讲,有拜有保庇,兹阵家族嘛算是够兴旺,拢有勿会歹亓头路佮地位……哈哈
够有意思亓厝,永怀姑恩,毋知影怹阿姑对怹有障样亓恩情,但相信感恩刻伫怹心内比刻伫石头顶搁较永久