拾参、歌谣类之创作念谣

一、牛犁歌
头戴竹笠仔喂，遮日头阿喂，手牵那犁兄喂，行到水田头。哪唉呦啊伊都犁兄喂，日曝汗那流，逐家协力啊喂，来扑拼唉呦喂。哪唉呦啊伊都犁兄喂，日曝汗那流啊伊都，逐家协力来扑拼唉呦喂。

二、恒春小调
（1） 一年过了又一年，冬天过了又春天，田底稻仔青见见，今年定著是丰年。
（2） 水年赤牛满山埔，看牛囡仔唱山歌，青年男女犁田涂，顶丘下丘相照顾。
三、农村曲
透早就出门，天色渐渐光，受苦无人问，行到田中央，行到田中央，为著顾三顿，顾三顿，毋惊田水冷霜霜。

四、丢丢铜仔
火车行到 伊都阿麼伊都丢，唉哟磅空内，磅空的水，伊都丢丢铜仔，伊都阿麼伊都丢阿伊都滴落来。

拾伍、个人创作念谣（廖瑞昌创作）

一、一一一
一一一写字著夯笔、二二二食饭配鸡卵、三三三予请穿美衫、四四四钻石金烁烁、
五五五相招来散步、六六六册要认真读、七七七企乎直直直、八八八山顶落大雪、
九九九囡仔吗吗吼、十十十闲事毋通插

二、水蛙
水蛙水蛙嘴阔阔、腹肚大大爱唱歌、唱歌唱歌唱袂煞、较唱嘛是呱呱呱
水蛙水蛙四只脚、跳高跳低毋惊跋、泅水本领上较活、看著毒蛇 <就>大声喝
呱~~呱~~呱~~

三、月娘
月娘悬悬伫天边、初一十五来相见、月初笑得甜甜甜、十五像球圆圆圆
听讲佮比会割耳、叫伊一声月阿姨、毋通生气歹看面、乖乖囝仔咧看天

四、掠到你
目睭圆圆、喙扁扁、一支鼻仔、两片耳、一二三四五六七、双手拍扑仔、掠到你

五、夹仔
夹仔夹仔夹夹夹、夹伫你的肩胛头；夹、夹、夹夹夹、夹夹、夹夹、夹夹
唉哟、唉哟、诚感谢，换我来佮你夹夹夹；夹、夹、夹夹夹、夹夹、夹夹、夹夹