本吧，前前後後有好幾次，有人發主題帖問邇個問題，非主題帖內嘅囘覆，亦提及不下十次。

因此，不才覺得有必要專程發一帖，算係澄清又好，分享又好，將邇個問題講清楚。

首先強調一樣，「嶼」字，廣州音就祇得一個讀音，就係讀「zeoi6」，「序」「敍」同音。
詳情見下圖，各切韻拼讀皆祇一音，（推算北京口音，原本亦應為「敍」同音，對「愉」發音，不才亦有所保畱。）

先撇開其他口音，單論廣州音。
有人表示，「嶼」讀「魚」，係錯讀，以訛傳訛，約定俗成。非也，誤也。

此事須瞭解歷史，香港「大嶼山」，此名（文字）出現於「清代」，官方統一規範書寫。
而「大嶼山」此地，民間一直喚作「大jxu山」，書寫並無統一書寫，舊時嘅民眾亦未必識字，僅知其音，此處就叫「大jyu山」，必要時書寫，亦眾說紛紜，曾出現「大嵛山」「大漁山」「大魚山」⋯⋯⋯無論寫法如何，都離唔開係「大jyu山」邇個音。
直至，清代，官方估計係因為寫法並無統一，易生混亂，是故決定規範寫法，可惜，官方係參照「官話發音」去「定名」，易作「大嶼山」。

如此，就大件事嘞，用粵語廣州音，或當期時嘅圍頭話，都出現好大嘅問題，圍頭話，都係讀若「序」，與「罪」諧音。民間一直不願改口，事因有三，其一違背歷代口音，其二，大jyu山，變大「罪山」，忌諱。其三，習慣，係好難改，尤其係口口相傳嘅地方名（正如一啲上年紀嘅老廣州，依然習慣永漢路，連新路⋯⋯呌法，對新名完全唔賣賬。）因此，香港民間就一直「保畱舊讀法」，「並非將字讀錯」，寫法上「皇命難違」「民不與官鬥」，忍讓寫「嶼」而已。

http://wapbaike.baidu.com/view/424623.htm?fromid=3099334&type=syn&fromtitle=大屿山&fr=aladdin&ref=wise&ssid=0&from=1014994a&uid=0&pu=usm@6,sz@1320_2004,ta@iphone_1_7.0_19_&bd_page_type=1&baiduid=87A3FF0698F723BFD02700247C88BB2A&tj=Xv_2_0_10_title

無須懷疑，「嶼」，廣州音其實就係得一個音，就係「zoei6」，我知道，而今嘅一啲粵語軟件，發音網站，上便係標著有兩個音，其實嗰個「jyu」係應民間讀法無改，而牽強附會，為求「字」「音」相秤而已。
現今有唔少嘅香港人（尤其後生一代），並唔知此事嘅來龍去脈，受字影響，對「嶼」有「jyu」音，深信不疑，其作用就僅僅應用一地之名，實何其荒誕。事實上，你攞「大嶼山」三個字，問香港人應該點讀，相信絶大部分嘅香港人，都異口同聲「大jyu山」，祇有極少數，頭腦清晰之人，會講「就字讀字嘅話，係大zoei山，不過，香港嘅嗰個地方，叫大jyu山」。

@刚天舞