鹿港随便行随便翕
汉彬水晶饺，汤真清甜佫袂伤汫，袂讲像人一般亓汤头水水矣无气味，水晶饺恰其他亓饺(名我毋知)嘛诚好食，食一碗煞佫想欲佫叫一碗。
我恰头家伊小开讲一下，伊讲伊恰鹿港真有名亓「蔡家」水晶饺是兄弟关系，店已经有百偌年亓历史，in7老父彼代了后放传in7兄弟仔食，老头家若佫伫咧这马已经百偌岁矣。我感觉头家的鹿港腔无重，声调恰台湾普遍腔差无诚济，我自头到尾拢恰伊讲台语，伊有当时会用国语应我。
我恰头家伊小开讲一下，伊讲伊恰鹿港真有名亓「蔡家」水晶饺是兄弟关系，店已经有百偌年亓历史，in7老父彼代了后放传in7兄弟仔食，老头家若佫伫咧这马已经百偌岁矣。我感觉头家的鹿港腔无重，声调恰台湾普遍腔差无诚济，我自头到尾拢恰伊讲台语，伊有当时会用国语应我。
「天后宫」的门口埕。予我想起较早细汉时阮老父tshua7我来遮食蚵仔煎，就是伫即个埕…，景致犹原无啥变化，差别是这马埕里已经袂使排担。细汉时，伫遮我佫捌食「龙须糖」，较早亓侬较会堪得厚工，物件食起来不止仔好食，现此时亓「龙须糖」老实讲歹食甲。
天后宫头前的街仔路，全鹿港遮上闹热。
天后宫头前的街仔路，全鹿港遮上闹热。
龙山寺。听边仔游览队亓导游咧讲，鹿港即座龙山寺是按大陆龙山寺分过来亓，台湾拢总有五个龙山寺，一府二鹿三艋舺随个a随个有一间，拢总就三间，另外二间是伫咧高雄凤山恰台北淡水。
较早敢若捌看报纸抑是网路，讲龙山寺有一个牌匾「泉鹿同源」是泉州彼爿送亓，毋过我揣无彼个牌匾，凡势是我记毋著，抑是牌匾已经theh落来矣，无就是眵目无看著。
较早敢若捌看报纸抑是网路，讲龙山寺有一个牌匾「泉鹿同源」是泉州彼爿送亓，毋过我揣无彼个牌匾，凡势是我记毋著，抑是牌匾已经theh落来矣，无就是眵目无看著。
鹿港老街亓旧厝，恰恁泉州亓有偌成?
九曲巷。毋但鹿港，台湾中部沿海地区风伤透，用即款方式减轻风力。较早我捌去台中亓梧栖港钓鱼，风飞沙拍来面会疼，骑机车嘛骑袂在。
商业气氛伤重…，毋过老街若无用即种方式维持落去，会规个败了了。
「xx衍派」，证明「泉鹿同源」。
半爿井，嘛伫老街即搭。
九曲巷。毋但鹿港，台湾中部沿海地区风伤透，用即款方式减轻风力。较早我捌去台中亓梧栖港钓鱼，风飞沙拍来面会疼，骑机车嘛骑袂在。
商业气氛伤重…，毋过老街若无用即种方式维持落去，会规个败了了。
「xx衍派」，证明「泉鹿同源」。
半爿井，嘛伫老街即搭。
面线糊、肉包、水晶饺…，鹿港出名亓小食大概拢捌食过，偏偏蚵仔面线毋捌。
毋过，我感觉鹿港亓物件无贵，至少恰都市比起来是按呢，真正大碗佫满墘。
若鹿港亓「面线糊」是35箍(大碗亓)，比恁较俗淡薄。讲是讲大碗其实是中中a。
煞来即句无负责任亓，我感觉伫鹿港民权路一间店食著亓虽然袂歹食，但是感觉有掺味素粉。
(照常理来讲，35箍亓价数掺味素粉是免不了亓)
今仔日我头一遍食著的「水晶饺」，人in7亓汤头正港大骨汤，kun5诚久kun5甲汤头变白亓，若像即种亓免掺味素粉就诚好食。
煞来即句无负责任亓，我感觉伫鹿港民权路一间店食著亓虽然袂歹食，但是感觉有掺味素粉。
(照常理来讲，35箍亓价数掺味素粉是免不了亓)
今仔日我头一遍食著的「水晶饺」，人in7亓汤头正港大骨汤，kun5诚久kun5甲汤头变白亓，若像即种亓免掺味素粉就诚好食。
其实，伫阮台中遮有一个真出名亓「雾峰林家花园」，恰台北「枋桥林家花园」无仝所在，可惜伫921地动有去伤著，伤甲真严重，顶一、二个月我有去遐但是当咧整修所以袂当入去，若无会当佫翕「林家花园」予逐家看觅，规个中部亓老街就「林家花园」恰「鹿港老街」上有看头，拄仔好一个应该是漳式(注)，另外一个是泉式亓。
注：雾峰林家是漳州人；阮家族较早嘛是雾峰人，无的确阮恰雾峰林家有亲情关系。
注：雾峰林家是漳州人；阮家族较早嘛是雾峰人，无的确阮恰雾峰林家有亲情关系。