《爱德华个奇妙之旅》【台州话】
¤¤¤¤ § 壹 § 自命弗凡个爱德华 ¤¤¤¤
早头日，徕埃及街边一退屋里向，宿一只差弗多都用瓷料做起个兔。渠生瓷个手臂、瓷个脚、瓷个脚爪搭瓷个头、瓷个徛身还有瓷个鼻头。渠个手臂搭脚用铅丝接起，馨若渠个捆争头搭脚髁头佩好弯，使渠好划灵个动。
渠个耳朵用真个兔毛做起，徕渠皮毛下，是猴结实好弯个铅丝，渠好畀双耳朵摆出反映只兔情绪个姿势——轻机快活个、吃力个搭慵懒无聊个。渠个尾巴是用真个兔毛做个，毛烘烘、软带带，做起蛮好。
只兔名字爱德华・土雷尔。渠长险。从渠个耳朵脑头到脚底心差弗多有三英尺。渠个眼睛涂起蓝色，望去奣亮咦灵气。
总之，爱德华・土雷尔是自命弗凡个小物东。佩渠个胡须让渠费解险。个胡须咦个长咦个优雅，佩搭渠侇照名份馨若向，不过许胡须个材料来源柬尔也讲弗灵清。爱德华非常强烈个感到许勿是兔个胡须。个胡须最起头柬尔嘅——哪个触眼个动物嘅——对个问题爱德华呒心思考虑馨仔细。渠也老实朆馨做。渠通常弗喜欢忖许令人弗快个事干。
爱德华个女主人家是一个十岁个乌头发个囡儿头，名字阿比林・土雷尔。姖对爱德华个评价猴高，差弗多搭爱德华对渠自己个评价样样高。日加日ㄦ朏晨阿比林为读书着衣裳打扮到，姖也会畀爱德华着衣裳打扮。
只瓷兔有一个猴大个衣裳橱，里向囥无数套手工做起个丝衣裳；用最精美个皮照渠兔个脚骨特地设计搭定做个鞋；帽碗排加排，帽碗上向还留小洞，好带渠两只咦大咦富於表情个耳朵上向。每条裁制讲究个裤上向都有一个小兜，用来囥爱德华个金怀表。阿比林日加日ㄦ朏晨都畀渠个表打司。
「好，爱德华，」姖畀表个丝打好对讲，「当个粗指针指到十二点，细指针指到三点，我佩转来搭尔做队爻。」
姖畀爱德华囥吃饭间一张椅里，调整好椅个位置，以便爱德华扣好好张阘外，望勒着通土雷尔门口头个小路。阿比林畀表囥渠济脚上向囥好。渠亲亲渠个耳朵脑头，佩去爻；爱德华一长日盯牢阘外个埃及街，听渠个表滴答滴答响，慢慢时等。
徕一年个所有季节里向，只兔最中意冬季。因为冬季，太阳早早嘅落山爻，吃饭间个阘变黑，爱德华佩好从玻璃里望着自己个影像。个是怎儿个一种影像啊！渠个投影多少优雅！爱德华对自己个风度翩翩惊讶弗已。
晏边，爱德华搭土雷尔屋里各许成员聚队坐吃饭间桌边——阿比林、姖娘伯ㄦ，还有阿比林个娘娘，姖名字佩勒格里娜。老实，爱德华个耳朵撩弗到桌沿头，也老实，徕吃饭个段时间，渠两只眼都一落地盯牢眼头前，望着个佩只桌布亮晃晃个白。不过渠佩馨跍耷——一只兔坐桌脚ㄦ。
让阿比林个娘伯ㄦ觉得意思个是，阿比林忖爱德华是老实个兔，有两朞姖嚯爱德华朆听着要求畀一句话要勿一个故事转讲一遍。
「爸爸，」阿比林会讲，「爱德华弗嘲眼也朆听着。」
阿比林个伯ㄦ会畀徛身侧爱德华边去，对渠个耳朵慢慢讲，为了只瓷兔咦畀起头讲过个话转讲一遍。爱德华出於对阿比林个礼貌假装徕耷ㄦ听，实际上渠对许人讲个话弗感兴趣险。渠对阿比林个娘伯ㄦ搭渠侇对渠个傲慢态度也弗攻着底。事实上，所有个成年人都对渠傲慢险。
佩阿比林个娘娘搭阿比林向搭伊讲话。佩勒格里娜老险爻。姖生个鼻头咦大咦尖，眼墨黑ㄦ奣亮搭深色个星星向亮烁烁ㄦ。佩姖佩勒格里娜负责照顾爱德华个生活。佩姖噢人定做爱德华，姖噢人定制渠套加套丝个衣裳搭渠个怀表，渠漂亮个帽碗搭渠好弯个耳朵，渠精致个皮鞋搭渠有关节个手臂搭脚骨，个许都是出自姖个祖国——法国个一个能工巧匠之手。佩佩勒格里娜徕阿比林七岁生日朞畀爱德华当生日礼物送畀伊。
也佩是佩勒格里娜日加日ㄦ夜底都趒来畀阿比林幽眠床里困，也噢爱德华幽来困。
「讲故事畀我侇听好噃，佩勒格里娜？」阿比林日加日ㄦ都要姖娘娘讲故事。
「晚头弗讲爻，小姐。」佩勒格里娜讲。
「个勿几时讲叻？」阿比林问讲，「几时黄昏？」
「佩快起爻，」佩勒格里娜说，「快起爻佩有一个故事爻。」
吓姖畀灯关爻，爱德华搭阿比林倒勒眠床间乌荡荡里向。
「我爱尔，爱德华。」夜加夜佩勒格里娜趒去爻之后阿比林都会讲。姖馨讲好之后佩等瑲，扣搭徕耷ㄦ等爱德华也对讲解某向。」
爱德华解某也朆讲。当然渠解某都弗讲是渠要弗得讲话。渠倒勒搭阿比林个大眠床迫堆个小眠床里。渠晓得姖一瑲佩会困爻。爱德华个眼是画上去个，怪得渠眯弗来，渠老世醒勒耷ㄦ。
有两朞，空是阿比林畀渠侧耷ㄦ勿是仰转囥渠眠床里，渠佩好从阘门帐个缝眼里望外向乌墨捣洞个夜空。徕青天耀镜个夜里，星光灿烂，许搭针眼里照进来向个光线让爱德华莫名其妙个感到一种安慰。渠道道整长夜凝视星星，一落到黑暗最终让畀天亮猛。
早头日，徕埃及街边一退屋里向，宿一只差弗多都用瓷料做起个兔。渠生瓷个手臂、瓷个脚、瓷个脚爪搭瓷个头、瓷个徛身还有瓷个鼻头。渠个手臂搭脚用铅丝接起，馨若渠个捆争头搭脚髁头佩好弯，使渠好划灵个动。
渠个耳朵用真个兔毛做起，徕渠皮毛下，是猴结实好弯个铅丝，渠好畀双耳朵摆出反映只兔情绪个姿势——轻机快活个、吃力个搭慵懒无聊个。渠个尾巴是用真个兔毛做个，毛烘烘、软带带，做起蛮好。
只兔名字爱德华・土雷尔。渠长险。从渠个耳朵脑头到脚底心差弗多有三英尺。渠个眼睛涂起蓝色，望去奣亮咦灵气。
总之，爱德华・土雷尔是自命弗凡个小物东。佩渠个胡须让渠费解险。个胡须咦个长咦个优雅，佩搭渠侇照名份馨若向，不过许胡须个材料来源柬尔也讲弗灵清。爱德华非常强烈个感到许勿是兔个胡须。个胡须最起头柬尔嘅——哪个触眼个动物嘅——对个问题爱德华呒心思考虑馨仔细。渠也老实朆馨做。渠通常弗喜欢忖许令人弗快个事干。
爱德华个女主人家是一个十岁个乌头发个囡儿头，名字阿比林・土雷尔。姖对爱德华个评价猴高，差弗多搭爱德华对渠自己个评价样样高。日加日ㄦ朏晨阿比林为读书着衣裳打扮到，姖也会畀爱德华着衣裳打扮。
只瓷兔有一个猴大个衣裳橱，里向囥无数套手工做起个丝衣裳；用最精美个皮照渠兔个脚骨特地设计搭定做个鞋；帽碗排加排，帽碗上向还留小洞，好带渠两只咦大咦富於表情个耳朵上向。每条裁制讲究个裤上向都有一个小兜，用来囥爱德华个金怀表。阿比林日加日ㄦ朏晨都畀渠个表打司。
「好，爱德华，」姖畀表个丝打好对讲，「当个粗指针指到十二点，细指针指到三点，我佩转来搭尔做队爻。」
姖畀爱德华囥吃饭间一张椅里，调整好椅个位置，以便爱德华扣好好张阘外，望勒着通土雷尔门口头个小路。阿比林畀表囥渠济脚上向囥好。渠亲亲渠个耳朵脑头，佩去爻；爱德华一长日盯牢阘外个埃及街，听渠个表滴答滴答响，慢慢时等。
徕一年个所有季节里向，只兔最中意冬季。因为冬季，太阳早早嘅落山爻，吃饭间个阘变黑，爱德华佩好从玻璃里望着自己个影像。个是怎儿个一种影像啊！渠个投影多少优雅！爱德华对自己个风度翩翩惊讶弗已。
晏边，爱德华搭土雷尔屋里各许成员聚队坐吃饭间桌边——阿比林、姖娘伯ㄦ，还有阿比林个娘娘，姖名字佩勒格里娜。老实，爱德华个耳朵撩弗到桌沿头，也老实，徕吃饭个段时间，渠两只眼都一落地盯牢眼头前，望着个佩只桌布亮晃晃个白。不过渠佩馨跍耷——一只兔坐桌脚ㄦ。
让阿比林个娘伯ㄦ觉得意思个是，阿比林忖爱德华是老实个兔，有两朞姖嚯爱德华朆听着要求畀一句话要勿一个故事转讲一遍。
「爸爸，」阿比林会讲，「爱德华弗嘲眼也朆听着。」
阿比林个伯ㄦ会畀徛身侧爱德华边去，对渠个耳朵慢慢讲，为了只瓷兔咦畀起头讲过个话转讲一遍。爱德华出於对阿比林个礼貌假装徕耷ㄦ听，实际上渠对许人讲个话弗感兴趣险。渠对阿比林个娘伯ㄦ搭渠侇对渠个傲慢态度也弗攻着底。事实上，所有个成年人都对渠傲慢险。
佩阿比林个娘娘搭阿比林向搭伊讲话。佩勒格里娜老险爻。姖生个鼻头咦大咦尖，眼墨黑ㄦ奣亮搭深色个星星向亮烁烁ㄦ。佩姖佩勒格里娜负责照顾爱德华个生活。佩姖噢人定做爱德华，姖噢人定制渠套加套丝个衣裳搭渠个怀表，渠漂亮个帽碗搭渠好弯个耳朵，渠精致个皮鞋搭渠有关节个手臂搭脚骨，个许都是出自姖个祖国——法国个一个能工巧匠之手。佩佩勒格里娜徕阿比林七岁生日朞畀爱德华当生日礼物送畀伊。
也佩是佩勒格里娜日加日ㄦ夜底都趒来畀阿比林幽眠床里困，也噢爱德华幽来困。
「讲故事畀我侇听好噃，佩勒格里娜？」阿比林日加日ㄦ都要姖娘娘讲故事。
「晚头弗讲爻，小姐。」佩勒格里娜讲。
「个勿几时讲叻？」阿比林问讲，「几时黄昏？」
「佩快起爻，」佩勒格里娜说，「快起爻佩有一个故事爻。」
吓姖畀灯关爻，爱德华搭阿比林倒勒眠床间乌荡荡里向。
「我爱尔，爱德华。」夜加夜佩勒格里娜趒去爻之后阿比林都会讲。姖馨讲好之后佩等瑲，扣搭徕耷ㄦ等爱德华也对讲解某向。」
爱德华解某也朆讲。当然渠解某都弗讲是渠要弗得讲话。渠倒勒搭阿比林个大眠床迫堆个小眠床里。渠晓得姖一瑲佩会困爻。爱德华个眼是画上去个，怪得渠眯弗来，渠老世醒勒耷ㄦ。
有两朞，空是阿比林畀渠侧耷ㄦ勿是仰转囥渠眠床里，渠佩好从阘门帐个缝眼里望外向乌墨捣洞个夜空。徕青天耀镜个夜里，星光灿烂，许搭针眼里照进来向个光线让爱德华莫名其妙个感到一种安慰。渠道道整长夜凝视星星，一落到黑暗最终让畀天亮猛。